Godina dana bez moje majke i 35. godina bez mog oca

BRANKE M. ŠĆEPANOVIĆ

rođena Vujisić

MILORADA M. ŠĆEPANOVIĆA

Dragi moji roditelji, od mog rođenja kroz život su me pratile bure i oluje. U svoj toj tami, svjetlost ste bili vi moji heroji, moji najbolji od najboljih.
Hvala vam na ljubavi koju ste mi pružili, na vaspitanju koje ste mi utkali i na temeljima časti i poštenja na kojima sam rasla. Tata, moje oči su te ostale željne jer si me prerano napustio. Majko, ti si tatin odlazak nosila stoički i ponosno, uzdignute glave, podižući me u najtežim vremenima. Najteži teret iznijela si hrabro i časno. Tvoj odlazak u vječnost još uvijek ne mogu prihvatiti. Nema dana da mi suza ne poteče. Nema sna u kojem ne svratiš, samo se nakratko zadržiš, a onda svaka nada da ćeš ponovo biti uz mene potone. Teško je, majko, nositi breme života, nimalo lakog za mene, bez tebe, bez tvog savjeta i tvoje podrške. Bila si mi i otac i majka, i brat i sestra u svakom životnom trenutku. Tvojim odlaskom otišlo je sve ono što sam u tebi imala. Ostaje mi da se borim sa sudbinom, da dostojanstveno tugujem i da vam zahvalim na svemu čemu ste me naučili i na svemu što ste utkali u moje srce.
Živim i nadam se da me tamo negdje, u rajskom naselju, čekate raširenih ruku, jednog dana.
Vaša imena nosiću u srcu s ponosom, a vašu dobrotu i čestitost s ljubavlju ću pominjati.

Vaša kćerka MILKA, unučad MILADIN, MILORAD, MILICA i zet MIŠO